الأسئلة الشائعة

سهرة لعبة معلومات عربية مستوحاة من نمط Jeopardy — بتلعبها على شاشة واحدة بين فريقين (أو على أجهزة منفصلة بسهرة حيّة)، مع لوحة فئات شامية ومصرية وأردنية وخليجية ومغربية وعراقية، وكروت حركة بتقلب السهرة. كلّ سؤال إله نقاط، والفريق اللي بيوصل لنقاط معيّنة بكسب الجولة. وفي كمان نمط ثاني اسمه «حكاية السهرة» — سهرة بقصّة بخمس فصول، كل فصل بآليّة مختلفة (أسئلة، إشارات، رسم، تسريع بنقاط مضاعفة، ومراهنة أخيرة).

تقدر تجرّب اللعبة كزائر بدون تسجيل، بس لتحفظ سجلّ سهراتك ولتدخل «حائط الأبطال» ولتشترك بالباقات المدفوعة لازم تسجّل حساب. التسجيل بيتمّ بإيميلك أو بحساب جوجل أو آبل عبر Clerk.

آه. الباقة المجانية بتعطيك وصول لكل الفئات الأساسية وعدد محدود من السهرات بالشهر. الباقات المدفوعة بتفتحلك الفئات الكاملة، الكروت اللعينة، وعدد لا محدود من السهرات الحيّة. تفاصيل الباقات بتلاقيها بصفحة الأسعار على الصفحة الرئيسية.

على الأقلّ شخصين — فريق ضدّ فريق. كلّ فريق ممكن يكون شخص واحد أو مجموعة. ما في حدّ أعلى لعدد الأشخاص بالفريق الواحد، بس المساحة العملية على شاشة واحدة عادةً ٢-٤ بالفريق.

بتعتمد على النمط. السهرة الكلاسيك القصيرة (٦ خانات، Best-of 1) بتاخد حوالي ١٥-٢٠ دقيقة؛ الكاملة (١٢ خانة، Best-of 3) بتاخد ٤٥-٦٠ دقيقة. «حكاية السهرة» (الخمس فصول) بتاخد حوالي ٤٠-٥٠ دقيقة وما بتتطلّب إعداد. تفاصيل كل نمط بقسم «حكاية السهرة» وقسم «كيف بنلعب».

التصنيف الرئيسي (مثل: «بلاد الشام»، «مصري»، «الكورة العربية») هو كتلة كبيرة بتجمع تحتها عدة تصنيفات فرعية. التصنيف الفرعي (مثل: «الأكل الشامي»، «تاريخ الأردن»، «أنمي») هو اللي بتحطّه فعليًا على لوحة السهرة. كلّ سهرة بتختار من ٦ لـ ١٢ تصنيف فرعي.

نظام جولات. السهرة بتنقسم لجولات منفصلة، وأوّل فريق بيكسب جولتين بكسب السهرة كاملة. تقدر تختار Best-of 1 (جولة وحدة، الأسرع) أو Best-of 3 (الأكثر إثارة) أو Best-of 5 (للسهرات الطويلة).

كروت بتعطي الفريق قوى خاصّة بيستخدمها مرّة واحدة كلّ سهرة. مثلًا:

• قهوة كرم: بتاخد ضعف نقاط أيّ سؤال صحّ.
• المسحبة: بتسرق سؤال من الفريق الثاني.
• تمنيعة: بتمنع الخصم من استخدام كرت بالجولة الجاية.

عندك ١٠ كروت بالمجموع، وبتختار ٣ منها قبل ما تبدأ السهرة من قسم «كروت الحركة» بصفحة الإعداد.

كلّ خانة بلوحة السهرة إلها قيمة من ٢٠٠ لـ ١٠٠٠ نقطة حسب صعوبة السؤال (٢٠٠ للأسهل، ١٠٠٠ للأصعب). إجابة صحيحة بتضيف القيمة الكاملة، وإجابة خطأ ما بتنقّص. بعض الكروت بتضرب أو تقسم النقاط. بنهاية الجولة، الفريق الأعلى نقاطًا بكسب.

بالسهرات الحيّة، أي شخص عنده الرابط بقدر يدخل كمتفرّج بدون ما يكون لاعب. المتفرّجون بشوفوا اللوحة والنقاط بالوقت الحقيقي، وما بقدروا يجاوبوا أو يستخدموا كروت. مفيدة لمشاهدة سهرات الأصدقاء أو لبثّها على شاشة كبيرة.

«حكاية السهرة» نمط لعب بسهرة بيستوحي من العادة الشاميّة القديمة بسهرات الحكواتي — السهرة بتنفتح بمشهد، بتتعقّد بحبكة، بتوصل لذروة، بتنزل لخاتمة، وبتختم بمراهنة. خمس فصول بسهرة وحدة، كل فصل بآليّة مختلفة عن الثاني، والكل مربوط بقصّة وحدة.

الفرق عن السهرة الكلاسيك: ما في اختيار فئات، ما في إعدادات. اكتب أسماء الفِرَق، اضغط ابدأ، والسهرة بتبني نفسها — كل فصل بيختار فئاته أوتوماتيكي.

• الفصل الأوّل — البداية: ثلاث فئات، سؤالين من ١٠٠٠ لكل فئة. كل فريق يفتح أسئلة قويّة من البداية — ما في إحماء.
• الفصل الثاني — لعبة الإشارات: ثلاث فئات إشارات، خمس إشارات بكل سؤال، والنقاط بتنزل من ١٠٠٠ لـ ٢٠٠ مع كل إشارة جديدة. كل ما عرفت أبكر، كل ما ربحت أكتر.
• الفصل الثالث — ارسم خمّن: فصل الرسم. شخص بيرسم وفريقه بيحزر، تنافس بصري سريع بيغيّر مزاج السهرة.
• الفصل الرابع — تسريع: ثلاث فئات، أسئلة بمستويات ٢٠٠/٤٠٠/٦٠٠، وكل النقاط مضاعفة. آخر فرصة للحاق قبل النهاية.
• الفصل الخامس — السهرة الأخيرة: سؤال واحد بمراهنة. كل فريق يراهن من رصيده — صحّ تربح ضعفها، غلط تخسرها كلّها. النهاية بإيد الفريقين.

حوالي ٤٠-٥٠ دقيقة للخمس فصول. أطول من السهرة الكلاسيك القصيرة بشوي، بس أقصر من السهرة الكاملة (Best-of 3). السرعة بتعتمد على عدد اللاعبين وكم بياخدوا بكل سؤال.

لا. حكاية السهرة بتشتغل بدون كروت — الفصول الخمس وآليّاتهم المختلفة بيلعبوا دور الكروت بالقلب والمفاجآت. الكروت موجودة بالسهرة الكلاسيك فقط، عشان ما يخفّفوا من قصّة الفصول.

آه. بنهاية حكاية السهرة، بنحكيلك القصّة من جديد — فصل فصل: مين كان متقدّم، كم نقطة سجّل كل فريق، إيمتى تبدّلت الصدارة، وكيف انتهت بالمراهنة الأخيرة. بعدها بنكشف الفائز. المضيف بيقدر يتنقّل بين الفصول بإيقاعه.

آه — على نفس متصفّح المضيف. الفصل الثالث «ارسم خمّن» بيلعب أحلى لمّا يكون فيه جهاز إضافي لكل فريق (تابلت أو موبايل تاني)، عشان الراسم يرسم بسرّيّة عن فريقه التاني. غير الفصل الثالث، كل شي بيشتغل على شاشة المضيف وحدها.

نمط حيّ بتنضمّ إله برمز من ٦ خانات، كل لاعب لحاله (مش فِرَق). ثلاث جولات أسئلة اختيار من متعدد والنقاط بتتراكم — كل جولة إلها حدّ، واللي ما بيوصله بيصير متفرّج. اللي بيعدّي حدّ الجولة الثالثة (١٠٠٠٠ نقطة) بيتأهّل للقب البطل.

بتيجي جولة الحسم. كل المتأهّلين بيتبارزوا على نفس السؤال بمراهنة إجبارية بنصف الرصيد — صحّ بتزيد النصف، غلط بتخسر النصف. بتخرج لو غلطت سؤالين ورا بعض، أو لو نزل رصيدك تحت ١٥٠٠. آخر واحد واقف بيصير بطل السهرة؛ ولو خرج الكل بنفس السؤال، الأعلى نقاط بيكسب.

الاستضافة من ميزات اشتراك «الونيس». بتفتح الغرفة من حسابك، وضيوفك بينضمّوا برمز من تلفوناتهم مجاناً وبدون حساب — زيّ باقي الأنماط الحيّة. تفاصيل الباقات على صفحة الأسعار.

كل الفئات المدعومة بصيغة الاختيار من متعدد. فئات الرسم والإشارات والأنمي مستثناة من هاد النمط لأن صيغتها ما بتناسب الاختيار من متعدد.

لأ. مضيف واحد بيفتح الغرفة على شاشته (تلفزيون، لابتوب، أو موبايل)، والموقع بيولّد رمز من ٦ خانات. الباقي بيفتحوا sahrahjo.com/join على تلفوناتهم وبيكتبوا الرمز — من نفس الغرفة، أو من بلد تاني. كلكم بتشوفوا نفس اللوحة وبتسجّلوا نقاط بالوقت الحقيقي.

هاي أحلى سهرة فعلياً، ومصمَّمة لها صراحةً. التلفزيون عند المضيف للمجموعة اللي حواليه، والصديق البعيد بينضمّ على تلفونه برمز السهرة. نفس لوحة النقاط، نفس الكروت، نفس السهرة الأخيرة. افتحوا مكالمة فيديو على جنب — سهرة بتدير اللعبة، إنتو بتديروا الضحك.

لأ ولأ. اللعب الحيّ مفتوح للضيوف بدون تسجيل. بكفي يفتح sahrahjo.com/join على أي متصفّح (آيفون، أندرويد، لابتوب)، يكتب الرمز واسمه، وبينضمّ بثواني. الحساب لازم بس لو حابب يحفظ سجلّ سهراته أو يصير من المؤسسين.

السهرة المحلّية بتلعبها على جهاز واحد، الكلّ حواليه — مناسبة للمّا تكونوا بنفس الديوان. السهرة الحيّة بتفتحها على جهاز المضيف، وكل واحد بدخل برمز من تلفونه — كلّ فريق على شاشته، والمضيف على شاشته. بنستخدم Pusher للبثّ المباشر، يعني التحديثات بتوصل بأقلّ من ثانية.

بصفحة المضيف بتلاقي رمز QR + رابط مشاركة + كود من ٦ خانات. الرمز هو الأبسط للمشاركة — احكيه بمكالمة، أو ابعته بواتساب. الفِرَق البعيدة بيفتحوا /join ويدخلوه؛ اللي حواليك ممكن يمسحوا الـQR. نفس الكود بيشتغل على كل الطرق.

حالة السهرة محفوظة بشكل دائم. لمّا يرجع النت، رجّع تحميل الصفحة وبتلاقي السهرة مكمّلة من نفس النقطة — اللوحة، النقاط، والكروت كلهم بتُسترجع. اللاعبون التانيين ما بحتاجوا يعملوا شي.

آه — بصفحة المضيف في «وضع البثّ الآمن» (Streamer-safe) بيخفّي رمز QR ورابط السهرة وكود الانضمام عشان ما يستغلّها أحد من المشاهدين. بفعل الزر تظهر بس اللوحة ونقاط الفرق.

من صفحة «ترقية الحساب» اختر الباقة (شهرية أو سنوية)، بتنفتحلك صفحة دفع آمنة من Stripe. بعد الدفع بثوانٍ بتتفعّل الميزات المدفوعة على حسابك تلقائيًا.

المحاسبة الفعلية بتتمّ بالدولار الأمريكي عبر Stripe، وبنكك بحوّلها تلقائيًا لعملتك المحلّية حسب سعر صرفه يوم الدفع. بنعرضلك السعر بالعملة المحلية بالقرب من السعر بالدولار للعرض فقط عشان تعرف تقريبًا قدّيش رح تنزل عليك.

من صفحة «لوحتي»، اضغط «إدارة الاشتراك» بتفتحلك بوّابة Stripe للإلغاء بضغطة زرّ. الإلغاء بسري بآخر دورة فوترة — يعني بتظلّ تستفيد من الميزات لحدّ نهاية الشهر/السنة المدفوعة.

آه. خلال أوّل ١٤ يوم من اشتراكك الأوّل، بقدر تطلب استرداد كامل بشرط ما تكون استخدمت أكثر من سهرتين حيّتين. بعد المدّة هاي، الاسترداد بيكون بقرار إداري حسب الحالة. تفاصيل أكثر بـ شروط الاستخدام.

الحساب شخصي ومحجوز للاستخدام العائلي على نفس الجهاز. السهرة الحيّة بتسمح لـ ٦ أجهزة بالسهرة الواحدة بدون ما يحتاج كلّ شخص حساب. مشاركة بيانات الدخول مع أشخاص خارج العائلة مخالفة لشروط الاستخدام.

آه — كلّ الأسئلة والإجابات مكتوبة بلغة عربية فصحى مفهومة، مع لمسات لهجوية بحسب التصنيف. مثلًا: تصنيف «المطبخ الشامي» فيه كلمات شامية، تصنيف «الكوميديا المصرية» فيه أسماء أفلام وممثلين بلهجة مصرية. الواجهة كاملة باللغة العربية مع دعم RTL.

الشامية (لبنان، سوريا، الأردن، فلسطين)، المصرية، الخليجية، المغاربية، والعراقية. تقدر تختار «لهجتك المفضّلة» من زرّ اللهجات على الصفحة الرئيسية، وبنخصّص بعض الأسئلة بحسب اختيارك.

على بطاقة أيّ سؤال في زرّ تبليغ (أيقونة العلَم 🚩). اضغطه واختر السبب (إجابة خاطئة، صياغة مبهمة، مكرّر، إلخ). بنستلم البلاغ، فريق المراجعة بفحصه يدويًا خلال أيام، ولو ثبت الخطأ بنصلّحه بأقرب تحديث ولو بدّك بنبعتلك إيميل بالنتيجة.

ابعتلنا اقتراحاتك على hello@sahrahjo.com، أو من نموذج «اقتراح سؤال» داخل صفحة «تواصل معنا». الاقتراحات اللي بتنضمّ للعبة بنذكر صاحبها بصفحة «شكر خاص» (إلا إذا طلبت تفضّل مجهول).

في تصنيف «إسلامي» موجّه للمعلومات العامة عن التاريخ والثقافة الإسلامية بدون تفاصيل عقدية أو فقهية مختلَف عليها. ما في تصنيف سياسي — بنحرص اللعبة تكون مساحة مشتركة بين الكلّ بغضّ النظر عن الانتماءات.

أحدث إصدارات Chrome، Safari، Firefox، Edge على ويندوز / ماك / لينكس / آيفون / أندرويد. ما بنوصي بالمتصفّحات القديمة (Internet Explorer وما شابهها).

آه — تطبيق Android متوفّر على Google Play، وiOS بطريقه قريباً. ولو ما حبّيت تنزّل، الموقع كمان PWA (تطبيق ويب تقدّمي): افتحه على Safari أو Chrome، اختار «إضافة إلى الشاشة الرئيسية»، وبصير أيقونة على موبايلك بتشتغل زي التطبيق الأصلي. ثلاث طرق، نفس السهرة — اختار اللي بريحك.

عشان نعرضلك السعر تقريبيًا بعملتك المحلية فقط، ولأغراض إحصائية مجمَّعة (كم لاعب من الأردن، كم من الإمارات، إلخ). بياناتك ما بتنشارك مع طرف ثالث لأغراض إعلانية. تفاصيل أكثر بـ سياسة الخصوصية.

آه — في «ليالي» (الثيم الافتراضي، تجربة سهرة في فناء بالليل) و«ديوان» (وضع نهاري بألوان كريم وبني). تبدّل بينهم من زرّ ☾/☀ بشريط التنقّل العلوي.

راسلنا فورًا على security@sahrahjo.com أو من صفحة التواصل. بنوقف الحساب مباشرة، بنفحص النشاط، وبنرجّعه إلك بعد ما نتأكّد من هويّتك. غيّر كلمة سرّ إيميلك أيضًا كإجراء احترازي.